ناڤەندا خانی یا رەوشەنبیری و راگەھاندنێ پەیامەک بەلاڤە کریە و تێدا ھاتیە.
ئەڤرۆ پشتی نیڤرۆ بنگەھەکێ پەخشێ رادیۆ و تێلەڤزیۆنا دھۆکێ ل چیایێ بێخێری ل ھنداڤی گەلیێ زاخۆ کەفتە بەر ھێرشەکا موشەکی یا چەکدارێن پەکەکێ، د ئەنجامدا زیانێن مادی ب ئاڤاھی و دەزگەھێن بنگەھی کەفتینە د دەمەکی دا ئەم ڤێ کریارا تێکدەرانە یا تیرۆرستیی رسوا و شەھمزار و مەحکوم دکەین، ئەم ئاگەھداریا ئەنجامدەرێن وێ کریارێ دکەین، کو ئەڤ بنگەھێ پەخشییێ میدیایی نیشانەکا شارستانیەتێ و پێشکەفتنا ھەرێما کوردستانێ یە و خزمەتا مللەتێ کوردستانێ و دوزا رەوایا وێ دکەت، چ گەفێ و مەترسیێ ل سەر چ لایەنا دروست ناکەت و چ بھانە بۆ ئارمانجگرتنا وێ نینە، ئەڤ جۆرە کریارە دەنگ و رەنگ و پەیاما مە راناگریت، ھیڤییە پەکەکێ د سیاسەتا خوە یا شاش دا بچنەڤە و گورەپانا خوە یا خەباتێ بزانن و ل وێرێ چالاکیێن خوە بکەن.
کوردستانا باکور رووبەرەکێ مەزنترە و باژێرێن وێ پترن و مرۆڤێن وێ بوشترن و چیایێن وێ بلندترن و گەلیێن وێ کوورترن و خەلکێ وێ یێ پێدڤی ئازادیێ یە.
ئەڤ جۆرە کریارە د ژی سازیێن ھەرێما کوردستانێ ب تنێ خزمەتا دوژمن و داگیرکەرێن کوردستانێ دکەن، دەم ھاتییە پەکەکە دەستی ژ ھەرێما کوردستانێ ھەلینیت وقەستا وی جھی بکەن یێ پێدڤی ب خەبات و رزگاریێ.
