مفایێن نەعنایێ

نەعنا سیستەمێ بەرگریکرنێ بھێزدکەت ژبەرکو یا دەولەمەندەب کالسیوم و فوسفور و ڤیتامین بی و سی و دی و ئی، ھەروەسا ڤەخوارنا کوپەکا ئاڤا نەعنایێ ئێکە ژ باشترین رێکێن سروشتی بۆ ھەستییان، ھەردیسان خوارنا نەعنایێ گەلەک یا کاریگەرە بۆ دەمێ شیردانا زاروکی دا بۆ ھەر ئێشان و ھەوکرنەکێ، ھەروەسا نەعنا چارەسەریا کوخکی و ئاریشێن دی یێن سیستەمێ ھەناسەدانێ دکەت، ھەردیسان نەعنا کریارا ھەرسکرنێ بھێزدکەت و ژبەر شیانێن وێ دھاندانا کریارا ھەرسکرنێ دا و بەرھەم ئینانا ئەنزیمێن سیستەمێ ھەرسکرنێ نەعنا دشێت کێشا لەشی ژی کێم بکەت.

ھەروەسا نەعنا ھاریکارە بۆ چارەسەریا پەنجەشێرێ و دەماران و پیستی، ھەردیسان نەعنایێ شیانێن زێدەکرنا ھێزێ ھەنە، ھورمونێ سیروتونین د مێشکی دا بەرھەم دئینیت، ھەردیسان نەعنا ھاریکارەکا گەلەک باشە بۆ بێھن خوشکرنا دەڤی و ددانان پاقژدکەت، ھەروەسا ژبەر بێھنا نەعنایێ یا بھێز ھاریکارەکا باشە بۆ سەرئێشانێ و تەنادکەت، ھەردیسان ل دویڤ چەندین ڤەکولینان دیاربوویە کو نەعنا ب شێوەکێ کاریگەر دشێت میموری و شیانێن ھزرکرنا مروڤی زێدە بکەت.

بەرھەڤکرن: بیاڤ مەجید

بابەتێن گرێدای

ڤان بابەتان ببینە
Close