شیرەت بۆ خۆ پاراستن ژ پەنجەشێرێ

پێدڤیە خۆ ژ شریناھیان بپارێزی و گرنگیێ ب خوارنێن نشا بدەی ، و روژانە ٨ تا ١٠ دانێن فێقی و کەسکاتیێ بخۆ ، ب مەرجەکی د ھەمەرەنگ بن داکو رێژەکا مەزن یا کەرستێن دژە ژەنگارێ وەربگری ، کو مروڤی ژ پەنجەشێرێ دپارێزن ، سێ دانێن فێقی بخۆ و یێن دی بلا زەرزەوات بن.

ھەروەسا چەرەزاتێن خاڤ و ھێکا روژانە بخو ، و خوارنێن سویر و بژارتی ژخۆ دویربکە ، چونکی گەلەک بکارئینانا وان رەنگە پەنجەشێرا گەدەیێ زێدە ببیت ، ھەردیسان حەفتیانە ٢٤٠ گرام یێن ماسیێ بخۆ ، ئانکو دوو ھەتا سێ جارا ، و ژبیرنەکە مریشک ژی ژێدەرەکێ باشە بۆ پروتینان و باشترە دوو روژا دحەفتیێ دا بھێنە خوارن ، ھەروەسا ھندی د شیان دا ، گوشتێ سور نەخۆ ، ھەتا ھەکە یێ بێ روین ژی بیت ، چونکی ھەریێ چەوا بیت رێژا روینێ وی ژ ماسی و مریشکێ پترە ، ھەردیسان زەیتا زەیتینا یان کانولا بۆ ئامادەکرنا خوارنێ بکاربینە ، ب مە رجەکی نەھێلیە لسەر ئاگری ھەتا داخ ببیت ، ھەروەسا بۆ خۆ پاراستن ژ پەنجەشێرێ روینێ دناڤ خوارنێن قودیک کری دا ژ خوە دویربکە ، چونکی ئەو ژ نیڤشکی ژی خرابترن ، ھەردیسان ل شوینا تو شوکولاتا و پسکێتا بکاربینی ، باشترە سێڤ و موز و گێزەران بخۆی ، ھەروەسا ھندی دشیان دابیت وەرزشێ بکە داکو بھێیە پاراستن ژ پەنجەشێرێ .

بەرھەڤکرن: بیاڤ مەجید

بابەتێن گرێدای

ڤان بابەتان ببینە
Close