نووچە

سەرۆک بارزانی: نھا دەمە دەستان بکەنە د دەستێن ئێک و دو دا

ب ھەلکەفتا ب دوماھی ھاتنا کۆنگرەیێ ١٤ێ یێ پارتییا دیمۆکراتا کوردستانێ، سەرۆک مەسعوود بارزانی پەیامەک پێشکێش کر و ئاشکرا کر، نھا دەمێ ھیممەتێ یە و دەمێ وێ یەکێ یەک دەستان بکەنە د دەستێن ئێک و دو دا و پێکڤە ب بیروبباوەرەکا پیلایی خزمەتا حزب و گەل و نشتیمانێ خوە بکەن.
سەرۆک بارزانی ئاشکرا ژی کر، ھەموو بەربژار سەرکەفتینە و سەرکەفتنا کۆنگرەی سەرکەفتنا ھەموویانە و گۆت ژی، ب تنێ وی ھەست ب کێماسییەکێ کرییە کو د ناڤا لیستێ دا چ ژ خووشک و برایێن کوردێن ئێزدی تێدا نینن و داخواز ژ ئەندامێن کۆنگرەی کر وێ دەستھەلاتێ بدەنێ وێ کێماسیێ پڕ بکەت خو ھەکە ھەتا راددەیەکی د گەل پەیرەوێ پارتی نەگونجیت ژی.
سەرۆک بارزانی سوپاسییا ھێزێن ئێمناھیێ و پێشمەرگەیێ کوردستانێ و دھۆکێ و خەلکێ دھۆکێ کر بۆ سەرخستنا کۆنگرەیێ ١٤ێ یێ پارتییا دیمۆکراتا کوردستانێ ل باژارێ دھۆکێ.
کۆنگرەیێ ١٤ێ یێ پارتییا دیمۆکراتا کوردستانێ ل سپێدەھییا رۆژا پێنجشەمبی ٣/١١/٢٠٢٢ ل ھۆلا کۆنفرانسان ل باژارێ دھۆکێ دەستپێکر و بۆ دەمێ سێ رۆژان ڤەکێشا، د رۆژا ئێکێ یا کۆنگرەیی دا سەرۆک مەسعوود بارزانی وەکو سەرۆکێ پارتی ب سەرجەمێ دەنگێن ئەندامێن کۆنگرەی ھاتە ھەلبژارتن، پشتی دوبارە ھەلبژارتنا وی وەکو سەرۆکێ پارتی، سەرۆک بارزانی د پەیڤەکێ دا ئاشکرا، ھەکە رەوشەکا سەقامگیر ل دەڤەرێ ھەبایە ئەو دا داخوازا لێبوورینێ ژ ئەندامێن کۆنگرەی کەت و خوە بۆ پۆستێ سەرۆکێ پارتی ھەلنەدبژارت، ل گۆرەی گۆتنا گۆتنا سەرۆک بارزانی کو ئەو ژ وان کەسان نینە کو حەز بکەت ھەتا مرنێ سەرۆک یان بەرپرس بیت، لێ رەوشا نھا یا کوردستانێ و دەڤەرێ وێ یەکێ دخوازیت کو ئەو د وی پۆستی دا بمینیت.
پاشی ھەر ل سەر پێشنیازا سەرۆک مەسعوود بارزانی، نێچیرڤان بارزانی وەکو جێگرێ سەرۆکێ پارتی ھاتە پەسەندکرن و نێچیرڤان بارزانی ژی پێشنیاز کر کو پۆستەکێ دی ل ناڤا پارتی بھێتە زێدەکرن کو جێگرێ دویێ یێ سەرۆکێ پارتی یە و مەسروور بارزانی بۆ وی پۆستی پێشنیاز کر و ب سەرجەم دەنگێن ئەندامێن کۆنگرەی ھاتە پەسەندکرن، ھەروەسا نێچیرڤان بارزانی د پەیڤەکێ دا ئاشکرا کر، مەسروور بارزانی کەسەکێ ژێھاتی و خودان شیانە و ژبەرکو نھا ئەو سەرۆکێ حکومەتا ھەرێما کوردستانێ یە، پێدڤییە ھەموو ئالی ھاریکارییێ د گەل دا بکەن و سەرکەفتا وی د سەرۆکایەتییا حکومەتێ دا سەرکەفتنا پارتی یە.
راپۆرتێن لژنا پەیرەوی، راپۆرتا سیاسی و لژنێن دی ھەموو پێشتر ب شێوەیەکێ رێکوپێک ھاتبوونە بەرھەڤکرن و د ناڤا کۆنگرەی دا ھاتنە خواندن و ھەموو ژی ژ ئالیێ ئەندامان ڤە ھاتنە پەسەندکرن و ب وێ یەکێ ھەموو کار و بەرنامێن کۆنگرەی د رۆژا ئێکی دا ب باشی دەرباز بوون.
د رۆژا دویێ یا کۆنگرەی دا ل گۆرەی ژیێ پارتی کو ٧٦ سالن، ٧٦ کەس ژ پێشمەرگەیێن دێرین و کەسێن خودان خەباتەکا دوور و درێژ و د وارێن جودا دا ژ ئالییێ سەرۆک مەسعوود بارزانی ڤە ب میدالییا بارزانی ھاتنە خەلاتکرن.
د روونشتنا دویێ یا رۆژا دویێ دا دەرگەھێ خوەبەربژارکرنێ بۆ ئەندامەتییا کۆمیتەیا ناڤەندی یا پارتی کو پێشتر ناڤێ جڤاتا سەرکردایەتیێ بوو ھاتە ڤەکرن و ١٣٢ کەسان بۆ وێ یەکێ خوە بەربژارکر، لێ ژ بەر خوەڤەکێشانا ھندەک کەسان ژ پرۆسێ ب تنێ ١٢٦ کەس مان و پشتی پرۆسەیەکا درێژ کو پتری ١٠ سەعەتان ڤەکێشای، ٤١ کەس ژ وان بوونە ئەندامێن کۆمیتەیا ناڤەندی و دەھـ کەس ژی پێشتر ل گۆرەی پێشنیازا سەرۆک بارزانی وەکو ئەندامێن کۆمیتەیا ناڤەندی مابوون و سەرجەمێ ئەندامان دبنە ٥١ کەس د گەل ١٠ کەسێن یەدەک.
پارتی د کۆنکرەیێ ١٤ێ دا چەندین گوھۆرین د پەیرەو و پرۆگرامێ خوەدا کرن و ژ وانا گوھۆرینا ناڤێ جڤاتا سەرکردایەتیێ بۆ کۆمیتەیا ناڤەندی و پێکئینانا جڤاەکا شیرەتکاری، ھەروەسا دامەزراندنا جڤاتا سەرکردایەتییا پارێزگەھا دھۆکێ کو پێشتر ئەو جڤات ب تنێ ل دھۆکێ نەبوو، ھەروەسا بریار دا ھەژمارا کارگێرینَ لقان ژ شەش کەسان و کارگێرێن لژنێن ناڤخوە ژ چار کەسان زێدەتر نەبن، ھەروەسا ھەر دو سالان جارەکێ دێ کۆنفرانسێن لق و لژنان ھێنە کرن، ھەروەسا د پیرەوی دا پەسەند بوویە کو ھەر پێنج سالان پارتی کۆنگرەیێ خوە ساز بکەت.

ڤان بابەتان ببینە

سەرۆک مسعود بارزانی ددیدارەکێ دا دگەل رادیۆیا (مۆنتی کارلۆ) یا فرەنسی دوماھیک پێشھات ، رەوشا نوکە یا ھەرێما کوردستانێ ، چارەنڤێسێ عیراقێ و گەلەک پرسێن دی باسکرن.

مونتی کارلۆ : پشتی سال و نیڤان ژپێکئینانا کابینا حکومەتا محمد شیاع سودانی ل عیراقێ …