روینشتنا زێدە گەلەک زیان بۆ ساخلەمیا مروڤی ھەنە ژبەرکو مەترسیا نەخوشیێن دلی و جەلگا دوو جار پتر دکەت، ھەروەسا روینشتنا زێدە دێ ھەردووک پێیان تووشی لاوازیێ کەت و زەبلەکان چ ھێز نامینیت و دەوالیێن پێیا چێدکەت و خوینێ ددەماران دا دمەھینیت.
دیسان زێدە روینشتن ئەگەرەکێ سەرەکی یە بۆ قەلەو بوونا مروڤی، چونکی ئەگەر مروڤ دەمێ خۆ ھەمیێ ب روینشتنێ ڤە بورینیت گەلەک یاب زەحمەتە بۆ ھەرسکرنا خوارنێ، ھەروەسا روینشتنا زێدە دبیتە ئەگەر کو ئێشان دناڤ فەقەراتان دا دروست بیت و ئەو ئێشان دێ زێدەبیت و ئنزیلاقا بربرێن پشتێ دێ دروست کەت، دیسان د دوماھیک ڤەکولین دا دیار بویە زێدە روینشتن دێ بیتە ئەگەرێ تووش بوون ب نەخوشیا گران د گولچیسکان دا یان قولونێ، و ھێشتا ئەف ڤەکولینە یا بەردەوامە.
ھەروەسا روینشتنا زێدە جەلگا دلی دروست دکەت و ئەگەرێ تووشبوونا مروڤی ب جەلگێ دگەھیتە 147/100ێ، دیسان د ڤەکولینەکێ دا ھاتیە دیارکرن ئەوێن زێدە د رویننە خوارێ رێژا تووشبوونا وان ب نەخوشیا شەکرێ دگەھیتە 112/100ێ ب بەراورد دگەل وان یێن کێم درویننە خوار، ھەروەسا زێدە روینشتن نەخوشیا زەھایمەرێ و ژبیرکرنا پیراتییێ دروست دکەت، دیسان دبیتە ئەگەرێ خەم و دل گەنگیەکا زێدە، و مەترسیا پەنجەشێرێ زێدە دکەت.
بەرھەڤکرن: بیاڤ مەجید
