نووچە

رادیۆیا دھۆک ٣٠ سالێن بەردەوام یێن خزمەتێ

رادیۆیا دھۆک ٣٠ سالێن بەردەوام یێن خزمەتێ
دەستپێکێ پیرۆزیێ ل تەڤایا گوھدار و بینەر و پشتەڤانێن ڤێ رادیۆیێ دکەین کو ل رۆژا ئەینییا بھێت ١٤/١٠/٢٠٢٢ دێ ٣٠ سال ب سەر ژیێ ڤێ رادیۆیێ را دەرباز بن. بێ گومان رادیۆیا دھۆک ژ دەستپێکا دامەزراندنا خۆ ھەتا ئەڤرۆ د ھەموو کاودانان دا دگەل گەلێ خوەدا بوویە و بوویە ئەگەرێ بەلاڤبوونا ھەر پەیامەکا ھەبیت کو گرێدای خەم و نەخۆشیێن خەلکێ دھۆکێ بیت ب تایبەتی و یێ کوردستانێ ب گشتی، ب تایبەت ژی گەھاندنا گلە و گازندان ژ خەلکی بۆ دەستھەلاتێ کو گەلەک ژ وان گلە و گازندان رادیۆیا دھۆک بوویە ئەگەرێ چارەسەریێ، ھەروەسا د دەمێ درێژێ دەربازبووی دا و پێخەمەت جڤاکێ مە ژ ھەموو ئالیێن ژیانێ بێ بەھر نەبیت و یێ تێر زانیاری بیت ، بەردەوامی دایە بەرنامێن ھەمە جۆر و کەسانێن شارەزا و ئەکادیمی مێھڤانی بەرنامێن خۆ کرن و ھەر بەرنامەک و تایبەتمەندییا وی و ژبەرڤێَ یەکێ ژی شیاینە ببینە دەرگەھێ ھەڤگەھشتنێ ژبۆ ئاڤاکرنا ئاخ و ناخ و بلندکرنا ھەستێ نەتەوایەتی و کارکرنێ ژبۆ ئاڤاکرنا کوردستانێ، ئەڤە ھەموو ل ژێر پەیرەوێ پارتییا دیمۆکراتا کوردستانێ بوویە، کو گەھاندنا پەیاما راست ئەرکێ بوویە. لەورا ژی ھەموو دەمەکی کارمەند و رۆژنامەڤانێن رادیۆیا دھۆک د داھێنانێ دانە و دەستخۆشیا مەزن ھەر ژبۆ وان کارمەندایە کو رادیۆ کریە قوتابخانە ژبۆ چەندین میدیاکارێن نوکە ل باشترین جھێن راگەھاندنێ کاردکەن.
یا دیارە دگەل ڤێ تەکنولۆژیایێ و ڤێ لەزاتیا ھەی رادیۆیا دھۆک شیایە د قۆناغا ئەڤرۆ دا و پشتی وێ ھاریکاریا بەرپرسێ ناڤەندێ مامۆستا (ئیحسان ئامێدی) بدەست مە ئێخستی و بوویە پشتەڤانێ ئێکێ یێ رادیۆیا دھۆک ژ بۆ دەنگ و رەنگێ مە بگەھیتیە ھەر قولاچەکا دونیایێ ئەوژی ب رێکا دورستکرنا سوشیالێ و مالپەر و ئەکاوانتێن، فەیسبووک و سناپ و تیک تۆک ، ھەروەسا چوونا رادیۆیا دھۆک بۆ ناڤ رادیۆیێن جیھانی ب رێکا (رادیۆ گاردن) یا جیھانی کو بووینە ئەگەرێ بەرفرەھبوونا پەخشێ رادیۆیا مە.
ل دوماھیێ سوپاسیێن بێ سنۆر بۆ وان رۆژنامەڤانێن د دەمێ ڤان (٣٠) سالان دا خزمەتکری و سوپاسی ژ بۆ ھەرکەسێ پشتەڤانی ل رادیۆیا دھۆک کری و سوپاسیێن تایبەت بو گوھدارێن رادیۆیا دھۆک.
سەرێ رێز و نەوازشێ بۆ گیان وەغەرکریێن خو یێن رادیۆیێ د چەمینین
و سەرکێشی ھەر بو بابێ رۆحی یێ نەتەوا کورد بارزانیێ نەمر ە.
رێڤەبەرێ رادیۆیا دھۆک
ئەمیر سەدیق

ڤان بابەتان ببینە

سەرۆک مسعود بارزانی ددیدارەکێ دا دگەل رادیۆیا (مۆنتی کارلۆ) یا فرەنسی دوماھیک پێشھات ، رەوشا نوکە یا ھەرێما کوردستانێ ، چارەنڤێسێ عیراقێ و گەلەک پرسێن دی باسکرن.

مونتی کارلۆ : پشتی سال و نیڤان ژپێکئینانا کابینا حکومەتا محمد شیاع سودانی ل عیراقێ …