نووچە

دیدار و کومبونێن سەرۆک مەسعوود بارزانی ل سنورێ پارێزگەھا دھوکێ

سه‌رۆك مه‌سعوود بارزانى روژا ئه‌ینیێ د سه‌ره‌دانه‌كێ دا بۆ قه‌زایا ئاكرێ ل باره‌گایێ لقێ 9 یێ پارتى دیمۆكراتى كوردستان ژ لایێ به‌رپرسێن حزبى و حكومى یێن ده‌ڤه‌رێ پێشوازى لێ هاته‌ كرن. پاشان سه‌رۆك مه‌سعوود بارزانى سه‌ره‌دانا ئامێدیێ كر و 2 كۆمبوون ل گه‌ل وه‌لاتی و به‌رپرسێن ده‌ڤه‌را ئامێدیێ ئه نجام دان ‌. سه‌رۆك بارزانى ل ئێڤاریا روژا شه‌مبیێ ل باژێڕێ دهۆكێ ل گه‌ل رێكخستنێن پارتى ل ده‌ڤه‌را بادینان ل باژێڕێ دهۆكێ كۆمبوو. پاشان سه‌رۆك بارزانى روژا ئێكشه‌مبیێ سه‌ره‌دانا ئیداره‌یا سه‌ربخۆ یا زاخۆ كر و ل گه‌ل ته‌خ و چینێن زاخۆ كۆمبوو. هه ر ل دهوكىێ سه‌رۆك بارزانى ل گه‌ل خێزانێن شه‌هیدان، تێكوشه‌ڕان، هه‌لگرێن مه‌دالیا بارزانى، په‌ككه‌فتیێن سه‌نگه‌ران و زیندانیێن سیاسى ل سنۆری ده‌ڤه‌را به‌هدینان كۆمبوو و راگه‌هاند، یا د دلێ هه‌وه‌ دا ب ئاشكرایى بێژن. سه‌رۆك بارزانى د چارچووڤه‌یێ سه‌ره‌دانا خۆ دا بۆ پارێزگه‌ها دهۆكێ روژا دوشه‌مبیێ ل گه‌ل رێكخراوێن جه‌ماوه‌رى و پیشه‌یى، چالاكڤان، میدیاكار، وه‌رزشڤان و رێكخراوێن جڤاكێ مه‌ده‌نى ل سنوورێ ده‌ڤه‌را بادینان كۆمبوو. پاشان سه‌رۆك بارزانى هه ر ل باژێڕێ دهۆكێ ل گه‌ل زانایێن ئایینى، كه‌سایه‌تى، ریهسپى و كاسبكارێن دهۆكێ كۆمبوو. د چارچۆڤێ سه‌ره‌دانا خۆ دا بۆ پارێزگه‌ها دهۆكێ سه‌رۆك مه‌سعوود بارزانى ل گه‌ل مامۆستایێن زانكۆ و په‌روه‌ردێ و ئه‌كادمیێن سنۆرێ ده‌ڤه‌را به‌هدینان كۆمبوو. پشتی نیڤرۆیا” روژا سێشەمبی 22 ی ته‌باخا 2023 ێ” ل دهۆكێ سەرۆك مەسعود بارزانی ل گەل ئەفسەر و پلەدارێن پێشمەرگەیی و دەزگەهێن ئەمنی ل سنوورێ پارێزگه‌ها دهۆكێ كۆمبوو.

12:37 PM



ڤان بابەتان ببینە

پارێزگەرێ دھۆکێ (د. عەلی تەتەر ) راگەھاند لدەمەکێ گونجای دا دێ پێشانگەھا نیڤ دەولەتی یا پەرتوکان ھێتە ڤەکرن .